بقلم الإدفاوي
أين نحن؟؟؟؟!!!!
أين أنت؟؟؟!!!.سؤال لطالما سألته لنفسي وكنت أسعي جاهدا لتحقيق الأفضل لكي أصبح في مكان يجعلني راض عن نفسي عند سؤالي لنفسي هذا السؤال ولكني الآن أسئل المصريين جميعا وأنا فرد منهم أين نحن؟؟. فهل ما يشاع بأننا في حاله ركود ونساق إلي حافة الهاوية وأننا من الدول شديدة الفقر شديدة الصغر السياسي. والواحد لما بيسمع الكلام ده بيحس أنه صغير جدا ومالهوش أي لازمه. ولا الواحد طيب يصدق الكلام اللي بيقول أننا في خطا متقدمه ودائبة للوصول للقمه كما يقال, ونبقئ دوله عظمى والواحد بقي هو وقاعد علي السرير يحلم بوزير خارجية مصر قاعد في مجلس الأمن بينهي قرارات كاملة بحق الفيتو _ دوله عظمه بعيد عنك_ ولا وإحنا كاسحين العالم ببضائع مكتوب عليها made in Egypt)) بس المشكلة أننا مش فاهمين أو مش عايزين نفهم الحقيقة أزاي عايزين نبقي ده كله واحنا مش باصين جوانا, الشعب المصري بجد مليان شروج وأفات فتاكه وده مش تشائم ولا حاجه, _بس دي الحقيقه_ بجد أزايي عايزين نبقى ده كله والأمراض دي ساكنه في صدورنا ولا أقصد بذلك أمراض عضويه فلو كان الأمر كذلك لكان الأمر في غايه البساطه فلقد أبادت الكوليرا ثلثي الشعب المصري ولم تزده إلا قوه ولكن هذه الأمراض هي تصرفاتنا وحياتنا اليوميه التي تلوثت بفعل الكثير من العوامل,هذه الأمراض هي أفات حقيقة لها القدرة العظيمة علي إيقاف أي محاوله للنهوض اقتصاديا أو سياسيا فأن نظرت نظره المتأمل في المجتمع الآن تجد الكثير من هذه الأمراض واضحا جليا وضوح الشمس في كبد النهار. ولا أقولك بدل ما تتأمل وتطلع عينك تعالئ نطلع أنهرده مع بعض ونتفرج على الناس ونشوف بقى العيب من مين وأيه اللي في الشعب المصري الأصيل من شروخ وأمراض, يالا نفتح باب الشقه ونطلع كده أول صوت هيجزبك هو صوت عمك برعي شغال يشتم في مراته ويزعق بأعلى صوت وعلشان ما نبقاش سلبيين أو ضعاف أيمان أنا وأنت تعال ندخل الشقه عندهم ونحاول نعمل حاجه ونحل المشكل دي ومن أول ما تفتح الباب تفاجئ بطفل يفتح الباب والدموع تنصب من عيناه وأخته اللتي أكبر منه _مش بكتير_ قاعده في جنب لوحدها وهاتك يا عياط,يالا بقى نعمل اللي أحنا داخلين علشانه أصلا نحاول نحل والأول نسمع بقي منه الأول هيقولك (يا عمي أنت مالك) معلش أستحمله علشان خاطري وأعتزر له وقله ده أحنا بس جايين نهدي النفوس وغلط لما صوتكم يجيب أخر الشارع كده , هتلاقيه أرتاح لك وبدأ يتكلم هيقولك "دي مطلعه عيني دي مش مهتمه بالعيال ولا بالبيت ولا بزوجها دي مش فاضيه غير لنفسها ولهدومها وميزانيه البيت بتخلص علي هدومها ومكيجها ومش بتدي البيت وقته طول النهار بتتكلم مع جارتها وتتفرج علي التلفزيون والدش ومش فاضيه لينا أصلا" وبما أن سيادتك جاي تصلح متولعهاش هديه بكلمتين ورح أسمع منها كمان علشان بس تعرف العيب من مين هتقولك "ده مش بيقعد معانا عشر دقايق علي بعض ومش مراعي حقي كزوجه طيب يعني أنا أعمل أيه اكلم نفسي يعني وبيجي بيستلم الشباك اللي باصص علي بيت الجيران وبيبص علي جارتنا ومش مهتم بالعيال أصلا" معلش قبل ما تتكلم بص لجوه في غرفه من الغرف كده هتلاقي شاب حاطط الهد فون في دماغه وشغال يتكلم مع وحده فاتحه الوب كام وشغال بقى, بجد مفيش نتاج لأسره بالشكل ده غير كده, بالزمه دي أسره ممكن تطلع جيل قادر علي تحمل مسئوليه النهوض ببلد كامل مهو الضحيه من المشاكل دي كلها هيكون مين غير الأطفال دي!!!؟؟ فمستقبل هذه البلد متوقف علي الصحة النفسية والعقلية لهؤلاء الأطفال فلقد ضاعوا بين أستهتار الأم وأنشغل وحقاره الأب فهل هذه هي الأسرة المصرية الحقيقية فين الحب؟؟!! فين العطف؟؟!!! فين التفاهم؟؟؟!!. يالا نطلع ونسيبهم يكملوا علي حالتهم دي مفيش حل فأدينا دلوقتي. , يالا ننزل الشارع كده هتلاقي طفل صغير بيرمي قشر موز من البلكونه علي الأرض وممامته جنبه بتسقفله معلش تمالك أعصابك ومتشتمش أحنا من دلوقتي أنهارده هنتفرج بس طيب هتقولي دي بتزرع جواه مصايب سوده, هقولك معلش ماهو اللي بيشيل قربه مخرومه.........هي يدوب بتزرع فيه البزره الأولي لكي يصبح من أفسد أعضاء هذا المجتمع فسيصبح هذا الطفل من أحد الخارجين علي القانون لأنه سوف يري في ألام الناس وتعذيبهم متعه وده بسبب هذه الأم الحمقاء.يالا كده نركب الأتوبيس هتلاقي أتنين مسكين في خناق بعض وبيشتموا بعض بأقذر الشتائم وده في الأخر ممكن يكون لأن واحد داس علي رجل التاني من غير ما يقصد طيب فين سماحه الرجل المصري وحبه لأخيه,وتبص أخر الأتوبيس تلاقي واحد حاشر نفسه كده وبيزنق علي وحده معلش ما تمدش أيدك عليه أنهارده هنتفرق بس زي ما أتفقنا, طيب ده هيرضاها لأخته والمشكله أنه في ناس بتبص وتبتسم طيب أيه اللي يفرح في كده شاب ساقط بيتحرش بفتاه ربما تكون من أكثر الناس احترام أهذه شهامة الشعب المصري؟؟؟!! أصدقا أنا في مصر؟؟!!! أم في دوله لم يخرج منه احمس وقطز وصلاح الدين وأن بدأت في الذكر فلن تكفيني مجلدات؟؟!! .يلا ننزل من الأتوبيس وندخل الجامعه..هندخل محاضره الأول كده هتلاقي دكتور مطلع عين الطلاب شغال يقرر عليهم مش عارف أيه وأيه وأيه وهو أصلا مش مراعي ضميره لا في شرح ولا في مساعده للطلاب وتلاقي شويه طلبه عايزين الحرق واحد حاططلي الهاند فري ومالهوش دعوه بالدكتور طيب سيادتك داخل المحاضرة ليه؟؟؟ ووحده ماسكه زميلتها وبتحكيلها قصه حياتها من يوم باباها ما حب مامتها طيب حضرتكم دخلتوا المحاضره ليه؟؟؟!! هو الكلام في أي مكان تاني ممنوع, وممكن تلاقي شويه في البنش الأخير بيلعبوا كتشينه ومقضينها وواحد تاني ما لهوش دعوه بالدكتور ده بس داخل علشان يفضل مع حبيبت القلب وما يصعبش عليك في الموضوع ده غير أصحاب البنش الأول نفسهم يفهموا اللي بيكتبوه في المذكرات بتاعتهم ومش عارفين . طيب ده مجلس علم ودي محاضره ممكن يطلع منها بناه المستقبل وناس تشيل بلدها في عنيها وتحاول تنهض بيها ونطلع نتمشى شويه في الجامعه أول حاجه تشدك هي هدوم البشر فيها واحد لابس بنطلون مقطع ولا قميص مشخبط وتسأله أيه يا عم والدك مش لاقي يجبلك هدوم جديده؟؟!!!. هيرد بمتهي التناكه وقله الذوق "بس يا حيوان أنت أيه اللي فهمك في الموضة يا بهيم" معلش ما تمدش أيدك عليه زي ما أتفقنا عندي أنا دي, وتلاقي وحده لابسه هدوم لا يصح لراقصه أن ترتديها أشي ضيق لزق وأشي عريان طيب يابت أبوكي كان فين وأنتي كل يوم بتطلعي من البيت كده. ده كده مش هيعرض علي جنه وفحياه الواحد لم هيبص لوحده هيتجوزها تلبس لبس بالشكل ده اللي هيبصلك ده عايز ياخد لفه ويخلع. نتمشي كمان شويه تلاقي واحد ووحده واقفين عايشنلي في دور روميو وجوليت طيب هو ده الحب أنك تقف معاها 5 أو 6 ساعات أو تكلمها طول الليل يابني ويا بنتي الحب شعور أنبل من كده بكتير عمر الحب ما كان بالكلام لو حسبتها صح هتعرف أن كلمه بحبك دي بتضعفه مش بتقويه وبعدين أتقي الله فيها ترضي حد يتكلم علي أختك كلمه وحشه اللي ما ترضهوش لنفسك ما ترضهوش لغيرك ولو بتحبه بجد حاول بكل الطرق أنكم في يوم تبقوا في بيت واحد وأدعي ربنا يوفقكم مش بالشكل ده خالص . شفت ياعم الجامعه اللي المفروض هي قلعه العلم أيه بيحصل فيها كده بجد أبقي قابلني لو طلع عالم بجد منها . يالا المغر ب بيأذن نصلي ونروح . ولا أقلك بلاش نروح يالا نقعد عند صاحبنا جمي أصله عازمنا عنده أنهرده نروح ندخل الشقه نلاقيها مش شقه دي غرزه يا عم خمس ست شيش والناس صحبنا مسطوليين يالا نطلع بسرعه انا مش بحمل الريحه دي. طيب أزاي بجد عندك أمل أننا هنقدر نعمل حاجه وشبابنا اللي هو عماد البلد مغيب العقل طيب بعد عرض شويه الأمراض دول اللي مش بيجوا أي حاجه أمام العديد من الأمراض المختلفه الأخري كده عندك أمل أننا ممكن نعمل حاجه في زمنا ده زمن فيه الناس وصلت القمر وأحنا أخرنا نوصل لرقم موبايل قمر الجيران ناس الشاب فيها كل همه التقدم والوصول والرقي ببلده بجد أنا بستعجب هو ده الشعب المصري اللي بيحكوا عليه ما يإما هما بيكدبوا واحنا طول عمرنا كده يأما بجد في أسباب لازم تتعالج, أزاي نبقي بجد مارد كما يقال عنا في الغرب فأن لقبت الصين بالعملاق القادم فلقد لقبت مصر بالمارد النائم , بس على حالتنا دي هنام كتير قوي. وأنهي مقالي بقول الله عز وجل بسم الله الرحمن الرحيم"لا يغير الله ما بقوم حتى يغيروا ما بأنفسهم" صدق الله العظيم فهذه دعوي لأستيقاظ الضمائر والقلوب