1. كونك أحد معارضي النظام فمن الممكن أن تجد من الموالين للنظام من يعاديك ويختلف معك. هذا حقك أن تختلف معي فالرأي وأن أحترم رأيك. .... ولكني أفاجأ بشخص غريب لم يقرأ كلامي أصلا بل نظر إلي صورة بروفايلي ( كفاية ) ليبدأ بسيل من الإتهامات ويقولي فالآخر ( ماهو واضح انه كفاية يبقي أقري كلامك لي ) أما فكرأنه من باب أولي ألا يعلق علي الكلام أصلا ؟؟؟؟ ومن الطريف أن تجده يتهمك بجهلك بحق الإختلاف في الرأي !!!!

2. من ضمن مكافآت الحكومة لرجالها المخلصين أن تعين اللواء محافظ سوهاج وزيراً للتنمية المحلية – مع اني أول مرة أسمع عن وزارة كدا – تقديراً لجهوده في الحفاظ علي سوهاج خالية من المظاهرات. مع إن سوهاج أصلا مفيش فيها حد طلع مظاهرة من نفسه !! مش فاهم لي لحد دلوقتي.....

3. لطالما تعودنا علي كلمة – مفيش ميزانية – في بلدنا. أظن بنسمعها كتير قوي لحد ما زهقنا. وفي لحظات تظهر ميزانية مجهولة المصدر لمحافظي الجمهورية لتصدر قرارات منهم لمراكز الشباب بحشد المتظاهرين من الشباب والهتاف لريسنا الحبيب مع صرف بدل تغذية وانتقال.... سبحان الله الميزانية اللي طلعت فثانية دي جت منين ؟؟؟!!!! مش دا اهدار برضه للمال العام ولا اي !!!!

4. هل ( الجزيرة ) بمتابعتها الواسعة في كل مكان بكل هذا المقدار من السذاجة والهبل لتضع علي موقعها شعاراً يقول – معا لهدم مصر - !!!! دا حتي لو بتخطط لكدا يعني في حد هيفضح نفسه بنفسه ؟؟؟؟؟ ولكن هي القرارات الهبلة ذاتها من القراصنة اللي مش فاهمين حاجة وبيتحركوا بدون تفكير نهائي...!!! بيأكدلك فكل لحظة إن حكومتك هبلة هبلة فأي قرار.

5. حمدي خليفة ( نقيب المحامين ) أكثر شخصية يمكن أن تستفزك في حياتك. لم يقدر علي تحصيل حق المحامين في الخلاف لشهير ما بين المحامين والقضاة. تصريحات أقل ما يقال عنها أنها مستفزة ولا تصدر من طالب مدرسة ابتدائي. ولكن هي عادة المسئولين مفيش علي لسانهم من ساعتها غير حاجة واحدة بس ( يا جماعة دا مخطط خارجي ) والعدو الأوحد ( الجزيرة – حزب الله – إيران ) لكي الله يا مصر. يا جماعة طاب نتنيل ونسكت علي خيبتنا. إسرائيل اللي مبنعرفش نتنفس قصادها وبنبعلها الغاز بتاعنا غصب عننا حزب الله اللي مش عاجبنا دا عمل فيهم إي ؟؟؟؟ طلعهم من لبنان بالجزمة ولا لا ؟؟؟؟ ولكننا لم نفهم حتي الآن أن ما أخذ بالقوة لا يسترد إلا بالقوة.

6. مش عادل إمام بيقول ( الحكومة لابد لها من شعب تحكمه، والشعب لابد له من حكومة تشكمه ) والله هو دا حال مصر بلدنا بالكلمة. بغض النظر عن شخص اللي قال الكلام. هو الشعب المصري كدا باين عليه اتعود عالذل والإهانة. الواحد مش متخيل ان الظابط مش هيمد ايده عليه تان .. مش متخيل انه يقدر يحكم بلده بنفسه وانها مش قضية يعني. مش متخيل ان في ناس يقدروا يديروا البلد ويخرجوها من حالة السقوط اللي احنا فيها دي.

7. السؤال لكل دول العالم اللي معندهاش مبارك....... الصين، فنزويلا، تركيا وغيرها..... إزاي بتديروا دولكم ومعندكمش مبارك !!!!!!!!!!!!!!! حد يجاوبنا يا جدعان

يتبع ...............