أستكمالا لسلسله هذا المقال جأت الفرصه لكي يدخل فالسياسه.

هو أحنا لينا كام سنه بنتسرق جت دلوقتي وخربت معاكم؟؟؟؟ طيب عموا ضياء رجع البيت ولا لسه بينضال؟؟؟
ولما في أكل ووجبات وفلوس للمتظاهرين مش أولى بيها الفقرأ اللي بقيوا نص البلد؟؟؟؟
ولما يبقى الضحايا بالعدد ده كده هنتقدم؟؟؟؟ طيب اللي خسرته مصر فالأيام دي قرب يساوي ديونها الخارجيه سوبرمان اللي هيجي هيسد كل ده أزاي؟؟؟
ولما أحمد عز طلع حرامي وصل للمناصب دي أزاي يا حكومه؟؟؟؟
لما يبقى حكامنا كلهم كده عسكرين والبلد بقيت سلطه لما هيمسك حد مدني تفتكروا هنعمل فيه إيه؟؟؟
ولما الأخوان كل حقبه زمنيه يطلعوا بخازوق لمصر كلها _ده كفايه أغتيال السادات_ لسه بنثق فيهم ليه؟؟؟؟
ولما الخواجه اللي عيلته شامله كل الأديان بقى زعمنا يا ترى مستنين إيه؟؟؟. وليه الشعب المصري بقيت أيده طويله كده؟؟؟
وأزاي نصحى الصبح منلقاش شرطه _عمار يا مصر_؟؟:
وليه وصلنا لكل ده ولا علشان تونس قامت لازم نقلد زي ما بنقلد فكل حاجه؟؟
لما نبص على حال تونس دلوقتي ومنأخدش عبره ونكمل يبقى أحنا عاوزين أيه؟؟؟. طيب وليه المولتوف بيتعمل ببنزين أو سولر مع أن طعمهم مر؟؟؟ والريس محترم الشعب ليه كده مبدأش ينفخ ليه؟؟؟ ولما ضباط الشرطه عايشنلي فدور البشوات ويضربوا هيرفعوا عينهم فوش الشعب تاني أزاي؟؟؟ وليه دبابات مصر صفره مش لو بينك كانت بقيت أشيك برضه؟؟؟ لو أديت كل واحد من المتظاهرين سلاح وقلت إلى القدس هيروحوا فعلا معاك؟؟؟ طيب ليه سوهاج مخرجتش _مع أنهم أرجل ناس فالعالم وعن ثقه_؟؟؟
ليه أول مره أختلف مع صحابي شهاب وعمده وضياء وعبد القادر وبيدو؟؟؟ طيب أنا صح ولا هما؟؟؟. صدعتكم معلش هلاوس بعد الصحيان