القانون الذي ولدنا وتربينا في وجوده حتي أصبح جزءاً منا. فكل شخص منا أصبح يرث – بعد عمر طويل – والده ووالدته والطوارئ ويورثها أيضا لأولاده. كل شخص يعتبر أن الشرطي والظابط ليس انساناً وأن من حقه أن ياخدك علي قفاك ويحبسك 4 سنين احتياطي ونقول فالآخر احنا كنا فأمان...!!!

مش شايفين غير مبارك يبقي ريس.. مافيش غيره ينفع !!! عيب عليكم نقول اي عليكم بس. انتوا خلاص مبقاش فيكم راجل ؟؟؟!! أي واحد يجمع 5000 ويعمل حزب ويترشح للجمهورية يعني. طاب ما يترشح يا سيدي وانت زعلان لي مش هو بيترشح وانت بتختار.

الريس الجديد هيبوظ الدنيا. ما ساعتها في مجلس شعب وشوري بيحاسب . لما مفيش حساب تكتر قلة الأدب. لكن الدولة والمجالس والأحزاب والدنيا كلها بتاعتنا ما لازم نقل أدبنا ونسرق وننهب طيب.

مافيش مانع نبقي مؤيدين لمبارك. والجزيرة كدابة .. ماحنا اتربينا علي تلفزيون مبارك. طاب اتصل بقريبك . بصاحبك . بأي حد تعرفه وقوله شايف اي.... اللي بتقوله الجزيرة ميطلعش 10% من الحقيقة ولا احنا خلاص ادمنا الكدب والتزوير والسكوت........

اسمع أي مسئول فالحكومة المصرية واعرض عليه مشكلة هيقولك حاجة من ال2 (( إحنا سيطرنا عالموقف )) أو (( السيد المسئول للتو اصدر تعليماته وهي قيد التنفيذ )) خلاص أدمنا التسويف والمستقبل اللي مش بيجي من 30 سنة وبرضه يقولوا ادوله فرصة ازاي يعني !!!

بلدنا بتضيع وحافظوا عالبلد واحنا خايفين عالبلد ...... جمل كرهناها كفاياكم ترديد فارغ فيها هو بلدكم فاضل فيها حاجة أساسا.. كل حاجة اتباعت دور كدا شوف كام شركة وبنك قطاع عام فاضلين.. خايف علي أي طيب ؟؟؟ الناس شغالة باليومية ومش معاها فلوس عشان كدا قعدوا يضربوا فالمتظاهرين!!! ياخي عيب عليك هو حد لاقي شغل أساسا يومية ولا غيره.. عشر الشعب المصري عواطلية ان اشتغلوا يوم بيناموا 10. الأب بيطلع عين أ..... طول النهار فشغل واتنين عشان تكاليف المعيشة......... وياريته نافع

ديون بلدك وصلت 175 مليار دولار وتقولي خايف عالبلد هيجرالها إي تان حرام عليكم... لو خايف عالبلد يبقي في حكومة ومعارضة. ناس بتبني وناس تحاسب وناس تعاقب. قانون عالكل. لسا برضه بتأيدوه يا ولاد ال..... طوارئ